АНГЕЛОВ МУ СЕ РАЗВИКА НА ПОЖАРНИКАР : ВРАЌАЈ СЕ, ЌЕ ЗАГИНЕШ! ОГНОТ СТИГНА ДО ПРВИТЕ КУЌИ ВО БЕЉАКОВЦЕ

Голем пожар попладнево изби во атарот на с. Руѓенце, Општина Старо Нагоричане.
Немадејноот силен ветер брзо го раширил пожарот поради што е изгубена почетната контрола врз него.

Побарав прогноза од УХМР но ме известија дека не се очекува дожд во тој регион.
Поради загрозувањето на куќи и викендици и брзото ширење на пожарот поради силниот ветер, ангажиран е еден полициски хеликоптер и еден Ер трактор на ДЗС.
Пожарот стигна до првите куќи во Бељаковце.

„Засега нема изгорени куќи, пожарот е до првите куќи во Бељаковце, изгореа една стара напуштена куќа и една дрвена плевна, авионите на ДЗС и хеликоптерот на МВР значително помогнаа“, вели директорот на ЦУК, Стојанче Ангелов. Во видеото кое го објави Ангелов самиот вели „Не се дише“ и се оддалечува од огнот.
Во ова село претходно во пожар изгореа три стари, напуштени, но функционални куќи. Сезонава имаше пожари во скопско, кочанско, кај јужната граница, битолско.