Побарувачката на огревно дрво за населението стана дел од политичка корупција пред изборите на 14 ноември во Бугарија. Во одредени региони, повеќе лица се задолжени да му поделат дрва на локалното население преку списоци за поддржувачите на некои партии. Тоа јавно го изјави бугарскиот министер за земјоделство Христо Бозуков.
Во голем број региони, огревното дрво иако во април сѐ уште не е испорачано а има недостиг и од пелети.
“Ми кажаа дека еден регион во шумското стопанство Крџали има три списоци. Еден за една партија, друг за втора партија и трет за оние кои не се во ниту една партија” – посочи министерот за земјоделство.
Според уредба, огревното дрво го делат градоначалниците на општините. Најмногу градоначалници на општини во земјата има партијата на Бојко Борисов, ГЕРБ. Во регионот на Крџали, партијата на Турците, ДПС традиционално има силни позиции во локалната власт.
Исто и секретарот на Министерството за внатрешни работи, Петар Тодоров изјави дека огревното дрво се користи за купување гласови.