Владејачката СДСМ и опозициската ВМРО-ДПМНЕ денеска поднесоа предлози во Собранието да се изменат законите за патна исправа и за безбедност во сообраќајот, со цел да се продолжи рокот на важење на пасошите и возачките дозволи на кои стои старото уставно име Република Македонија, а кои согласно Преспанскиот договор важат до денеска, 12.2.2024 година.
Техничкиот министер за внатрешни работи од ВМРО-ДПМНЕ Панче Тошковски денеска пред Собранието изјави дека е неопходно да се донесат законските измени.
– Денеска поднесуваме предлог за изменување на Законот за безбедност на патиштата и втор предлог за изменување на Законот за патни истправи, по скратена постапка. Кога се донесени, како се донесени, со кој ум се донесени е небитно од денешен аспект, но денеска е последен кога пратениците кои земаат плата од граѓаните имаат можност да докажат дека се во насока на интересот на граѓаните, без политиканство, без игри. Да се донесат измените, оти само со измена на овие два закони во делот на важноста на возачките дозволи и пасошите може да се решат проблемите на граѓаните – изјави Тошковски пред Собранието.
Координаторот на пратеничката група на ВМРО-ДПМНЕ Никола Мицески повика заеднили да седна координаторите на сите пратенички групи, спикерот и премиерот за заеднилки да се најде решение. Тој рече дека се бараат начини материјалите за законските измени да се најдат побрзо од 10 дена пред пратениците.
.gif)
.gif)
