Петнаесет илјади гласачи со креирани матични броеви се впишани на избирачкиот список-вели лидерот на Демократски Сојуз повикувајќи се на изјава од Специјалното Обвинителство.
Според него тоа се матични броеви кои се нелегално изработени од страна на МВР за потребите на избирачкиот список. Оваа изјава на Трајанов во ТОП ТЕМА предизвика реакција и негодување на пратеникот на ВМРО-ДПМНЕ Павле Саздов кој смета дека не треба да се шпекулира со вакви податоци додека тие не бидат докажани и според него „никој не треба да биде обвинет без основа“.
Поранешниот претседател на ДИК Александар Новаковски повика ДИК и МВР да ги проверат ваквите наводи.