До петок во 19 часот треба да заврши граѓанската проверка на спорниот дел од избирачкиот список. Експертите не се задоволни од начинот на кој партиите се решија да ги прочистат фантомските гласачи и велат бројот на пријавените е под очекувањата. Како и да е, на 31 август четирите партии треба да оценат дали има услови за избори во декмври, пишува Радио Слободна Европа.
Граѓаните кои се ставени на списокот на спорни гласачи имаат уште само пет дена да се пријават во Државната изборна комисија. Рокот за пријавување на спорните гласачи истекува на 19 август во 19 часот. Од ДИК соопштија дека досега се пријавиле над пет илјади граѓани чиишто записи во Избирачкиот список по извршените вкрстени и теренски проверки се спорни. Ваквата бројка на пријавени не ги задоволува очекувањата на домашната јавност.
„Некому да се одземе избирачкото право со бришење од избирачкиот список, а со непотполно утврдена фактичка состојба, лично мислам дека се работи за повреда на Уставот. Кога се луѓе во прашање, мора прецизно да се утврди фактичката состојба и врз основа на неа да се донесуваат одлуки за бришење од избирачкиот список“, вели тој.
ДИК мора да најде начин до истекот на рокот за пријавување на граѓаните таа бројка да ја сведе на минимум, а не да брише луѓе од списокот. Ристески вели дека прочистувањето на избирачкиот список на начин на кој го договорија политичките партии, не е најдобриот.
„Очигледно е дека не беше добро искористен методот на утврдување на фактичката состојба со вкрстени податоци. Во институциите на системот може да се најдат податоци за граѓаните, за тоа дали се живи и каде живеат и можеше да се искористи тоа за бројката на фантомски гласачи да се сведе на минимум“, изјави Ристевски.
На посебен извод на Избирачкиот список се ставени 171.500 гласачи за кои се претпоставува дека подолг рок живеат во странство, но нивното гласачко тело не е оспорено.
.gif)
.gif)
