Претседателот на Бугарија Румен Радев изјави дека притисокот врз Бугарија во наредните месеци ќе продолжи да се зголемува поради Република Северна Македонија.
“Очекувањата за компромис со Бугарија растат, бидејќи во последните години односите со Скопје се во ќорсокак и Бугарија остана изолирана” – рече Радев.
Според него, македонската резолуција од Собранието на Северна Македонија го бетонира неспроведувањето на Договорот за пријателство, добрососедство и соработка од 2017-та година. Радев знае дека таа резолуција ги потврдува јазикот и идентитетот како црвени линии за кои Скопје воопшто нема да преговара.
Радев декларативно повтори дека главен приоритет на бугарската надворешна политика останува европската интеграција на Западен Балкан и дека Бугарија е најзаинтересирана Република Северна Македонија да стане членка на ЕУ.
Ја искористи можноста и од Блед да порача дека очекува заштита на правата на луѓето со бугарска самосвест во Северна Македонија, елиминација на негативната слика за Бугарија во учебниците, на спомениците и во медиумите.