СТАВ НА УМЕРЕНОТО ПАЛЕСТИНСКО ДВИЖЕЊЕ ФАТАХ: ИЗРАЕЛ И ХАМАС МОЖАТ ДА СЕ ДОГОВОРАТ ЗА ПРЕКИН НА ОГНОТ ЗА 24 ЧАСА

0
178
Rockets are seen in the night sky fired towards Israel from Beit Lahia in the northern Gaza Strip on May 14, 2021. - Israel bombarded Gaza with artillery and air strikes on Friday, May 14, in response to a new barrage of rocket fire from the Hamas-run enclave, but stopped short of a ground offensive in the conflict that has now claimed more than 100 Palestinian lives. As the violence intensified, Israel said it was carrying out an attack "in the Gaza Strip" although it later clarified there were no boots on the ground. (Photo by ANAS BABA / AFP)

“Договор за прекин на огнот меѓу Хамас и Израел може да биде постигнат во рок од 24 часа” – изјави извршниот секретар на Централниот комитет на Фатах, Џибрил Раџуб.

“Напорите на арапските земји предводени од Египет, во кои беа вклучени заинтересирани страни, беа крунисани со успех во форма на нацрт договор за примирје што може да стапи на сила во рок од 24 часа” – рече тој во интервју за саудиската телевизија Ашарк.

“Очекуваме сегашните борби да престанат во следните неколку часа” – рече Раџуб, додавајќи дека сегашната ескалација создаде нова реалност и оти ситуацијата на Блискиот исток веќе нема да биде како што беше пред десет дена.

Телевизијата Ал-Арабија, повикувајќи се на информирани извори, вчера јави дека висока египетска делегација ја посетила Рамала со цел да преговара за претстојниот договор за примирје меѓу Хамас и Израел, кои меѓусебно се напаѓаат од 10 мај.