“Северна Македонија нема како да попушти на суштински план пред барањата на Бугарија и за надминување на ветото во ЕУ ќе треба некаков симболичен компромис или механизам за Софија да го спаси својот углед. А за таква промена потребен е пријателски совет од ЕУ-земјите до Бугарија дека можеби треба да ги има на ум сите домашни проблеми и да преговара за излез од овој спор” – рече во интервју универзитетскиот професор од Австрија, специјализиран за Балканот, Флоријан Бибер.
Тој сепак не гледа јасна причина за повлекување на ветото сега во декември, но дека не е исклучено и ќе зависи од сигналите од Бугарија и што се случува зад кулисите, со оглед дека Германија која се наоѓа во преодна фаза на Владата и треба да се види што ќе направат и другите ЕУ-држави во однос на ставот на Бугарија.
За процесот на проширување на ЕУ, Бибер посочува дека со сигурност е во сериозна криза и дека ја има загубено способноста за промена во регионот. Има премногу неизвесности а сѐ што ЕУ има да понуди е членството во подалечна иднина.
.gif)
.gif)
