Покрај Јанева и Јакимовски, Стејт департментот на „црната листа“ ги стави и членовите на нивните потесни семејства, односно двата полнолетни сина на Јакимовски, Гоце Јакимовски и Дамјан Јакимовски. На „црната листа“ се ставени и сопругот на Јанева, Венци Јанев и синот Лазар Јанев.
Поранешната специјална јавна обвинителка на Северна Македонија, Катица Јанева, и актуелниот градоначалник на општината Карпош, Стевчо Јакимовски, денеска се најдоа на американската „црна листа“. Оваа одлука е објавена на веб-страницата на американскиот Стејт департмент.Во извештајот се вели дека постапките на Јанева и Јакимовски ги поткопале владеењето на правото и вербата на јавноста во демократските институции и јавните процеси во земјата.
Според објавата на американскиот Стејт департмент, за Јанева постојат веродостојни информации за тоа дека побарала и примила поткуп за да влијае на Обвинителството под нејзина надлежност.За Јакимовски, пак, се наведува дека како градоначалник на Општина Карпош бил вмешан во коруптивни дела. Наведено е дека службената положба ја користел да влијае во урбаниот развој на Општината, во процесите за јавни набавки, со цел преку нив да прибави корист за себе и своите соработници.
Покрај Јанева и Јакимовски, Стејт департментот на „црната листа“ ги стави и членовите на нивните потесни семејства, односно двата полнолетни сина на Јакимовски, Гоце Јакимовски и Дамјан Јакимовски.На „црната листа“ се ставени и синот на Јанева, Лазар Јанев, кој е адвокат, како и сопругот Венци Јанев, кој е починат.Овие дејствија ги прават Јанева, Јакимовски и членовите на нивните потесни семејства генерално неподобни за влез во САД.
„Овие означувања ја потврдуваат посветеноста на САД за поддршка на владеењето на правото и зајакнување на демократските институции на целиот Балкан. Одделот ќе продолжи да ги користи сите достапни овластувања за промовирање на одговорност за корумпираните актери во регионот и на глобално ниво“, се наведува во соопштението на Стејт департментот.
Поранешната шефица на згаснатото Специјално јавно обвинителство (СЈО), Катица Јанева, издржува седумгодишна затворска казна на која беше осудена во случајот „Рекет“, а од неодамна доби „привилегија“ да биде работно ангажирана надвор од затворот „Идризово“, каде што ја издржува казната.
Работниот ангажман Јанева го извршува во адвокатската канцеларија на нејзиниот син, Лазар Јанев, кој исто така е на американската „црна листа“.Оваа погодност на Јанева ѝ е овозможена бидејќи ги исполнила критериумите во Казнено-поправната установа.Стевчо Јакимовски, освен што е актуелен градоначалник на Општина Карпош и претседател на партијата ГРОМ, тој е и еден од кандидатите за претседател на државата на претстојните претседателски избори, кои треба да се одржат на 24 април (прв круг) и 8 мај (втор круг).
.gif)
.gif)
