СКОПЈАНЕЦ СО ВОЗИЛО ИЗЛЕТАЛ ВО ВОДИТЕ НА ОХРИДСКОТО ЕЗЕРО

Автомобил утрово излетал во водите на Охридското Езеро на влезот во Струга, повредени нема.

Случајот го потврди портпаролот на СВР Охрид Стефан Димоски, кој информира дека случајот бил пријавен во 5.30 часот во ОВР Струга.

– Патничко возило „форд“ управувано од Н.Е.(43) од скопското село Орланци, кое се движело по улицата „Партизанска“ во Струга, излетало од патот и паднало во водите на Охридското Езеро. Повредени лица нема, изјави Димоски.

По извршениот увид возилото е извлечено од екипи на Територијалната противпожарна единица од Струга. Се преземаат мерки за расчистување на настанот.