– Брат ми викендов ми кажа дека полицајци му ја одзеле возачката на 4 месеци поради брзо возење на автопат. И тоа ви покажува дека законите во Северна Македонија важат за сите!
Ова вечерва во интерву за српската телевизија Н1 го кажа премиерот Зоран Заев.
Мактел го истражи случајот и дознавме дека Вице Заев возел побрзо од пропишаното на новиот автопат Смоквица – Демир Капија и кога го сопрела полиција, буквално разговорот бил обратен, полицаецот се тресел и одбивал да му пише казна додека Вице Заев го смирувал и го убедувал дека ништо нема да му се случи и инсистирал полицаецот да ги следи процедурите и да му пише казна затоа што згрешил и заслужил. На крај полицаецот се охрабрил и ја пишал казната, за што му честитал на Вице Заев, со коментар, 20 години сум на автопатите и досега сите министри, блиски на функционери биле дрски и одбивале да им се пише казна дури и се заканувале но ова досега не се случило толку близок на премиерот сам да бара да си плати казна и да биде санкциониран според законот.
Дознаваме дека покрај одземената возачка, Вице платил и паричка казна на лице место. Дознаваме дека братот на премиерот се чувствувал посрамено и чувствувал одговорност што дозволил во еден момент да не внимава на сообраќајните знаци, но казната од 4 месеци немање возачка ќе му биде потсетник друг пат да внимава повеќе за доброто на сите учесници во сообраќајот.
Дека Вице Заев не е забеган и аздисан зборува и податокот дека тој пред неколку месеци беше казнет од полицајци и поради неносење маска во автомобил, и тогаш иако тој бил во друштво на своето семејство и според законот не требало да биде казнет, сепак не се бунел и најрегуларно си платил казна и си заминал.
Браво за ова однесување на семејството Заеви тие се пример за сите нас дека треба да го менуваме менталитетот и сите да ги почитуваме законите и процедурите а не само кога сме на прошетка или на гости во некоја земја од ЕУ…
.gif)
.gif)
