СЕ УШТЕ ГОРИ МАГАЦИНОТ ВО ТЕТОВСКО ФАЛИШЕ КАДЕ ИМА ОГРОМЕН БРОЈ НА ХЕМИКАЛИИ, ОД ЦУК ПРЕДУПРЕДУВААТ ДА НЕ СЕ ИЗЛЕГУВА ОД ДОМА

Сè уште тлее огнот во фабриката во тетовско Фалише, информира командирот на тетовската противпожарна бригада во изјава за Телма. Изгореа магацин и продавница за бои и лакови, а состојбата со пожарот е сè уште далеку од стабилна.

Во пожарот во тетовско се претпоставува дека изгореле над 100 тони бои, лакови и други хемикалии. Од ЦУК и од Центарот за јавно здравје го предупредија локалното население да не излегува од дома.

Првичните проценки на надлежните се алармантни. Велат, изгореле над 100 тони хемикалии, а опасноста е во радиус од два километра.