КОВАЧЕВСКИ ЗА ИЗЈАВАТА НА ГРУБИ : ВЛЕГУВАМЕ ВО ПРЕДИЗБОРИЕ, ЌЕ СЕ НАСЛУШАМЕ КОЈ СЕ Е ГЛАВЕН, МАКЕДОНИЈА ЈА ВОДИ ПРЕМИЕР МАКЕДОНЕЦ

Премиерот Димитар Ковачевски не го загрижува изјавата на првиот вицепремиер и министер во неговата Влада, Артан Груби, дека со државата владеат Албанци. По претставувањето на буџетот на денешната прес-конференција, одговарајќи на новинарски прашања, премиерот Ковачевски рече дека Владата во моментот ја води премиер Македонец и дека со досегашната работа успеале да испратат пораката дека силата е во заедништвото, а таквата изјава ја припиша на предизборието.

„Веќе влегуваме во еден период на предизборие. Во наредниот период од 7 до 8 месеци ќе се наслушаме кој сè е главен, меѓутоа клучно е што дадовме пример како може да функционираме еден Македонец, еден Влав и еден Албанец да склопиме буџет, да го поднесеме на Влада и да го одобрат министрите.Да се задржи развојната компонента на буџетот и да се обезбедат финансиски средства и за зголемени плати, и за зголемени пензии и за зголемени инвестиции. Со тоа ја праќаме пораката дека силата е во заедништвото. Им благодарам и на Филип и на Фатмир“, рече премиерот Ковачевски.