Партијата Левица јавно прашува зошто се одолговлекува судскиот случај со поранешниот директор на Клиниката за онкологија Нино Васев, против кого уште во 2019 година е поднесена кривична пријава од пациент, а во 2021 године е оформен предмет за прекршување на Законот за здравствена заштита и Законот за заштита на правата на пациентите.
„Вчера продолжи судењето против поранешниот директор на Клиниката за онкологија Нино Васев, против кој е поднесена кривична пријава од семејство на починат пациент во 2018 година. Истиот со месеци одбивал да му пружа нега и терапија на пациентот и со тоа го прекршил Законот за здравствена заштита и Законот за заштита на правата на пациентите, со што подлежи на кривична одговорност.
Предметот е оформен во 2021 година, но сѐ уште нема судска разрешница. Покрај Васев, обвининението се води против уште двајца лекари кои и денес работат на Клиниката. Левица прашува зошто за овој случај нема судска разрешница, додека лекарите сѐ уште се на работните позиции на Клиниката за Онкологија?
Во конкретниот случај, на членови на семејството им било кажано сами да го купат лекот од Бугарија. Ова е пример кој се провлекува низ македонското здравство со години, а и до Левица пристигнаа бројни сведоштва од пациенти на кои им било посочено самите да бараат цитостатици од Косово или од Бугарија. Со тоа, за време на администрацијата на д-р Нино Васев со онколошката клиника, иако долгот достигнал фрапантни 20 милиони евра (од кои најголем дел за купување на цитостатици), не е јасно зошто пациентите, инаку бесплатната цитостатска терапија, морале да ја набавуваат самите!
КАТО системот кој бил набавен за контрола на терапијата на пациентите, бил изваден од употреба во моментот кога СДС преку д-р Нино Васев ја презема контролата на онколошката клиника. Спинувањето на власта дека после 20 години за прв пат се открива криминалот на болницата е манипулативно, затоа што сериозните проблеми со крадење на лекови започнуваат во 2017 година, со преземањето на администрацијата од СДС.
Дополнително, катастрофалните политики на режимот на СДС и ДУИ се потврдуваат и со тоа што четири апарати кои се набавени за радиотерапија, стојат во подрум и истите не се ставени во употреба! Јасно е дека криминалот на Клиниката за онкологија, во кој директна жртва се пациентите, има име и презиме.
И тие се највисоките еншалони на оваа власт, почнувајќи од омилениот министер на Заев, Венко Филипче и неговиот директор Нино Васев. Без висока политичка инволвираност, ваков енормен скандал на организиран криминал не можел да се реализира!“ – се вели во соопштението на Левица.
.gif)
.gif)
