ЗА ПРОТЕЧЕНАТА АУДИО СНИМКА ПО СОЦИЈАЛНИТЕ МРЕЖИ КАДЕ СЕ СЛУША ГЛАСОТ НА РУСКОВСКА ТАА ЗА ,,ФОКУС” ИЗЈАВИ ДЕКА НЕМА ШАНСА НЕКОЈ ДА БИДЕ ,,ЗАБОРАВЕН” ВО ПРИТВОР

На социјалните мрежи вчера беше објавена аудио – снимка на којашто се слуша глас кој наликува на гласот на раководителката на Обвинителството за гонење на организиран криминал и корупција, Вилма Русковска како зборува со уште едно лице, чиј глас е мутиран.

Разговорот трае нешто повеќе од една минута и на почетокот се разговара за рејтингот на обвинителството, и се коментира дека рејтингот на СЈО се зголемил поради случајот „Империја“.

Во снимката се споменува името Владимир Атанасовски што се совпаѓа со поранешниот директор на УБК, осуден на казна затвор од 6 години за организација на настаните од 27 април. За него гласот кој наликува на оној на Русковска вели „го ставив во притвор и го заборавив два месеца“.

-Нема шанса некој да биде ‘заборавен’ во притвор, затоа постојат заштитни механизми. Ако сум рекла ‘заборавен’, тоа е фигуративно кажано, изјавила Русковска за ТВ Алсат, но додава дека не знае дали е автентична.

-Не знам дали е автентична. Мислам дека е дел од снимките што Јордан Камчев ги достави за предметот ‘Рекет’. Најдобро е Камчев да го прашате за автентичноста. Не знам кој е објавувачот, изјавила обвинителката.

Камчев пак пред извесно време се спогоди со обвинителството со кое раководи Русковска да плати 5 милиони евра и да одлежи една година затвор. Тој моментално се наоѓа во отворениот затвор во Струга.

Нема шанса некој да биде “заборавен” во притвор, затоа постојат заштитни механизми. Ако сум рекла “заборавен”, тоа е фигуративно кажано, вели обвинителката Вилма Русковска за „Фокус“ откако протече снимка на којшто се слуша глас којшто личи на нејзиниот и во којшто се споменува Владимир Атанасовски, поранешниот директор на УБК, за којшто гласот кој наликува на оној на Русковска вели дека два месеца го „заборавила“ во притвор.

-Според она што усепав да го слушнам, веројатно јас зборувам, но разговорот е изваден од контекст. Нема шанса некој да биде „заборавен“ во притвор, затоа има заштитни механизми . Ако сум рекла „заборавен“ тоа е фигуративно кажано, вели Русковска.

Таа претпоставува дека снимката е дел од материјалите кои бизнисменот Орце Камчев ги доставил до Обвинителството за случајот „Рекет“.

-Мислам дека разговорот е во време кога го пријавуваше случајот „Рекет“. Тогаш ја работев и истрагата за организаторите на 27 ми април, додава Русковска.