Грчката влада доцна синоќа донесе одлука да дозволи преминување на границата за српските граѓани меѓу Бугарија и Грција, со што заврши целодневната агонија на илјадниците српски туристи кои останаа заглавени поради нејасните процедури на граничниот премин Промахонас, односно Кулата.
Милан Вукосављевиќ, српскиот конзул во Атина, доцна синоќа информираше дека е отворен преминот за српските туристи кои чекаа цел ден, по што беа пропуштени полека да го минуваат граничниот премин и да се движат кон летни одморалишта.
Владата на Србија треба да добие одлука од грчките власти во текот на денот што ќе им гарантира на сите Срби дека може да ја преминат границата меѓу Бугарија и Грција. Одлуката за пропуштање преку овој граничен премин службено важела од 15 јуни но од 23.00 часот.
„После целодневни разговори со грчките власти, тие вечерва ме известија дека ќе започнат да ги ослободуваат нашите граѓани преку бугарско-грчката граница“, рече српскиот министер за надворешни работи Ивица Дачиќ за „Блиц“.
Тој забележува дека Грција ќе го задржи правото на случајно тестирање и земање примероци. На прашањето дали препорачува агенциите да започнат со организирање патувања во Грција, министерот рече дека сите одлуки од денес ќе бидат официјални.
„Агонијата е стопирана“, изјави Расим Љајиќ, министерот за внатрешна и надворешна трговија.
.gif)
.gif)
