Да се работи и придонесува за Прилеп, најспортскиот град во државата и на Балканот, град со публика пред која паѓале најголеми спортски велични, е гордост, чест и привилегија.
На денешната средба со дел од спортистите и спортските работници од градот, на која присуствуваше и претседателот на комисијата за спорт на СДСМ, Наумче Мојсовски, дискутиравме за сето она што е потребно да се направи за нови спортски достигнувања и достоинствено претставување на Прилеп на домашната и меѓународната сцена.
Во таа насока, реконструкцијата на стадионот ,,Гоце Делчев“ и враќањето на ФК „Победа“ во својот дом, е клучната и најголема потврда дека прилепскиот спортски бренд ја има нашата поддршка. Додека пак, изградбата на новата спортска сала во ООУ ,,Кире Гаврилоски“, ќе овозможи најдобри можни услови за настава по физичко и здравствено воспитување на младите.
Дополнително, преку спортските ваучери само во текот на изминатата година, на спортските клубови им беа исплатени 9 милиони евра, што е досега најголема директна финансиска поддршка за клубовите.
Спортот е најголемиот амбасадор на секоја земја и затоа спортистите ја заслужуваат и ќе ја имаат моја поддршка и поддршката од мојот тим.
#НајдобротоЗаСпортскиПрилеп
Фејсбук статус на кандидатот за градоначалник на Прилеп, Горан Сугарески.
.gif)
.gif)
