„Се наоѓаме на хидроакумулацијата Калиманци од кадешто населените места се снабдуваат со питка вода, а кочанското поле со вода за наводнување на земјоделските површини.
Состојбата е алармантна, носечките канали и левиот наводнителен канал на оваа хидроакумулација работат со намален капацитет. Дотур на вода до Зрновци има од левиот канал, но до земјоделските површини кадешто е најпотребна, ja нема веќе 10 години.
Затоа потребно е да се направи целосна реконструкција на левиот канал.
Водата истекува од браната, но попатно се губи.
Граѓаните, земјоделците и оризопроизводителите се жалат дека немаат доволно вода за наводнување на земјоделските површини.
Голем дел од нив, како што велат повеќе не се занимаваат со обработка на оваа плодна и квалитетна почва и си заминуваат од овој крај во потрага по друга работа и нормални услови за живот.
СДСМ има сериозен пристап и план за решавање на овој проблем. Запуштените канали ќе бидат реконструирани, а ќе бидат изградени и нови.
После 11-ти декември, преку одговорни политики во земјоделството секоја година ќе се одвојуваат 10 милиони евра од земјоделскиот буџет за санација на постоечките и изградба на нови системи за наводнување и одводнување.
За таа цел ќе извршиме целосна анализа и снимање на актуелната состојба на постојните хидросистеми и изработка на проектна документација за реконтрукција“, изјави Татјана Прентовиќ, претседателка на Комисијата за земјоделство на СДСМ.
.gif)
.gif)
