Ноќеска околу 3.30 часот беше запалено возилото на поранешниот градоначалник на Општина Прилеп, доктор Сашо Пирганоски, објави РеволуционерМК.
Возилото марка „Цитроен Ксара“ кое било паркирано пред семејната куќа на Пирганоски, целосно е уништено.
На местото на настанот излезе увидна екипа на Полициската станица од општа надлежност Прилеп, додека возилото на територијалната противпожарна единица пристигна дури 30 минути после пријавувањето на пожарот.
РеволуционерМк телефонски го контактираше доктор Пирганоски кој што е надвор од државата, го прашавме дали до сега имал добиено закана, дали се сомнева во некој тој кратко изјави:
“До сега во мојот живот сум немал ни една закана, не можам да се сомневам во никој, поради тоа, од разговор со домашните ми кажаа дека има сведоци на настанот, останува на полицијата да го расветли случајот.”
Детали околу мотивите и можните извршители не се соопштени.
.gif)
.gif)
