Бизнисменот Орце Камчев денеска претпладне беше на разговор во Специјалното јавно обвинителство. Во 11 утрово тој набрзина ги напушти просториите на СЈО и новинарите не успеаја да го фотографираат, а се стекна впечаток дека и нему не му годеше медиумското внимание, јавува НОВАТВ.
Орце Камчев е во кумски врски со Сашо Мијалков, поранешен директор на тајната полиција и прв братучед на претседателот на ВМРО ДПМНЕ Никола Груевски.
НОВАТВ дознава дека за Камчев нема истрага, туку предистражна постапка, па во СЈО дошол сам, во својство на сведок.