Високата претставничка за надворешна и безбедносна политика на ЕУ, Федерика Могерини во прес-конференцијата го повика претседателот на Р.М Ѓорге Иванов да го испочитува Уставот на Р.М и да го додели мандатот на лидерот на СДСМ Зоран Заев, бидејќи е исполнет членот 90 односно обезбедено е мнозинство во Парламентот, пренесе Алсат-М.
Таа исто така посочи дека сите политички лидери имаат должност да овозможат мир и да придонесат во избегнување на кризата и дека се надева дека сите ќе ги вршат своите функции совесно.
Нагласувајќи ја комплексноста на државата и ситуацијата во моментов таа повика да се избегнува разгорување на меѓуетнички конфликти.