Дополнителниот заменик министер за внатрешни работи, Митко Бојмацалиев изрази задоволство од тоа што Македонија изминатата година забележала напредок од девет позиции на листата на „Транспаренси Интернешнл“ според Глобалниот индекс за перцепција на корупцијата.
„Во 2023 година земјава е позиционирана на 76. место од вкупно 180 земји на листата на ‘Транспаренси Интернешнл’ според Глобален индекс за перцепција на корупцијата, што е позитивен скок од девет позиции во однос на 2022 година кога Република Северна Македонија беше на 85. место на листата. Во регионален контекст, земјава e подобро рангирана од Косово кое е на 83. место, Албанија на 98. позиција, Србија на 104. место и Босна и Хецеговина која е на 108. Позиција.
Глобалниот индекст за перцепција на корупцијата претставува индикатор за оценка на успехот на антикорупциските политики и стратегии. Неговата вредност се наоѓа во тоа да се создаде свесност и да се поттикне дебата и акција против корупцијата“, стои во објавата на Бојмацалиев на Фејсбук.