“СДСМ ја поддржува резолуцијата поднесена од ВМРО-ДПМНЕ и целосно стои зад заштитата на македонскиот јазик и идентитет, но Уставот во однос на името на државата мора да се почитува” – рече премиерот Зоран Заев.
Во документот, секаде каде што се наведува името на државата, треба да стои Република Северна Македонија.
“Ако некој сака да го избегне уставното име, нека го прави тоа сам, ние тука нема да партиципираме. Нема да го кршиме Уставот. Уставното име на државата е Република Северна Македонија. Ја поддржуваме Декларацијата на ВМРО-ДПМНЕ, ќе застанеме зад неа, на сите да им биде јасно дека сме сите заедно застанати во заштита на македонскиот јазик и идентитет, но тоа не значи дека треба да го кршиме Уставот” – јасно порача премиерот Заев.
Први што треба да го почитуваат Уставот се токму парламентот, Владата, институциите и политичките партии.
“Во Резолуцијата на неколку места се спомнува Република Македонија, а во Уставот е Република Северна Македонија. И во Преамбулата треба да стои Република Северна Македонија. Тоа е Устав, а не дали ние сакаме или не сакаме да биде вградено” – рече премиерот.
“Во нашиот Устав не пишува дека ние сме Република С. Макдонија. Ние сме Република Северна Македонија. Граѓаните за тоа прашање се изјаснија на референдум и согласно Уставот, 2/3 во Собранието ја донесоа одлуката за нашето ново уставно име. На името Република Македонија се додаде зборчето Северна и тоа е дел од Преспанската спогодба која е веќе закон и е дел од Уставот. Очекувам да се почитува Уставот од страна на сите, а политичките партии треба да бидат први” – рече премиерот Заев.
.gif)
.gif)
