ЧЕСТИТКИ И ДО СЕЛЕКТОРОТ АНГЕЛОВСКИ ЗА ИСТОРИСКАТА ПОБЕДА НАД ГЕРМАНИЈА И ВОНСЕРИСКИОТ УСПЕХ НА ФУДБАЛЕРИТЕ

0
427

Селекторот на македонската фудбалска репрезентација, Игор Ангеловски, целата заслуга за историскиот триумф (2:1) над Германија ја препиша на неговите избраници.

“Моите фудбалери се изборија за овој историски успех. Победивме четирикратен светски и трикратен европски шампион кој имаше 20 годишна традиција без пораз. Кој, ако не нашите фудбалери да им ја срушат таа традиција. Тие се нашите спортски херои, тоа се истите кои ја кренаа на нозе нацијата по пласманот на Европското првенство. Радувај се Македонијо и слави ги овие херои.”

Македонскиот селектор победата ја посвети на македонскиот народ, на целиот медицински персонал, на неговите деца и на неговата сопруга која пред само неколку дена излезе од болница по прележан коронавирус.

Ангеловски побара да не се создава еуфорија, спуштени на земја да се продолжи понатаму во трката за пласман на Светското првенство, како и настапот на ЕУРО 2020 ова лето.