Финансиската полиција има истрага за транспортот на отпадно масло кое било произведувано во „САНС АГ“, погон во штипско, а транспортирано и продавано низ Македонија од фирмата РКМ. Станува збор за течен отпад кој се правел со горење на гуми и друг отпад, а за кој државниот инспекторат за животна средина утврди дека е канцероген и ризичен по здравје.
Телма дознава дека биле откриени фалсификувани фактури на кои како предмет на продажба стои „тешко масло за ложење мазут М1“ иако такво течно гориво не постои во македонската регулатива. Извршивме и увид во такви фактури на кои стои дека САНС АГ продава производ на компанијата РКМ на Ратко Капушевски. мактел дознава дека се работи само за две цистерни а не за поголеми количини.
На една од фактурите до кои дојде Телма е напишано само тешко масло за ложење, додека на другата фактура има дополнување и е додаден и зборот мазут. Според информациите на Телма, цистерните биле префрлени во Фени. Од финансиската полиција потврдуваат дека имаат истрага за случајот по медиумските објави, но не откриваат детали за истрагата.
УПРАВАТА ЗА ФИНАНСИСКА ПОЛИЦИЈА СО ВНИМАНИЕ ГИ СЛЕДИ СИТЕ ИНФОРМАЦИИ КОИ СЕ ОБЈАВУВААТ ВО МЕДИУМИТЕ, А ВОЕДНО ВО РАМКИТЕ НА ЗАКОНСКИТЕ НАДЛЕЖНОСТИ УПРАВАТА ПРЕЗЕМА ДЕЈСТВИЈА ВО НАСОКА НА ПРИБИРАЊЕ ДОПОЛНИТЕЛНИ СОЗНАНИЈА ЗА КОНКРЕТНИОТ СЛУЧАЈ. ИМАЈЌИ ПРЕДВИД ДЕКА СИТЕ ДЕЈСТВИЈА ПРЕЗЕМЕНИ ВО ПРЕДИСТРАЖНАТА ПОСТАПКА, СОГЛАСНО ЧЛЕН 289 ОД ЗАКОНОТ ЗА КРИВИЧНА ПОСТАПКА, СЕ СМЕТААТ ЗА ТАЈНА, ЗА ДОБИЕНИТЕ ПРИЈАВИ И СОЗНАНИЈА НА ЕВЕНТУАЛНО СТОРЕНИ ИНКРИМИНИРАНИ ДЕЈСТВИЈА ОД СТРАНА НА ФИЗИЧКИ И ПРАВНИ ЛИЦА, УПРАВАТА ЗА ФИНАНСИСКА ПОЛИЦИЈА ЌЕ ДОСТАВИ СООДВЕТЕН ПИСМЕН ПОДНЕСОК ДО НАДЛЕЖНИОТ ЈАВЕН ОБВИНИТЕЛ, СЕ ВЕЛИ ВО ОДГОВОР ОД ФИНАНСИСКА ПОЛИЦИЈА.
Случајот беше откриен лани напролет кога повеќе војници на АРМ сместени на полигонот Криволак се пожалиле на здравствени проблеми и тешкотии со дишење по што Министерството за одбрана алармирало, а Инспекторатот за животна средина утврдил прекршување на прописите за заштита на човечкото здравје и на животната средина.
„Стравувањето е дека и војниците, но и жителите на околните села околу САНС АГ дишеле канцероген воздух, бидејќи според инспекторите инсталацијата не е целосно изведена, процесот не е затворен, а емисиите од согорувањето на гуми и пластика слободно“, одговори за КОД во мај директорот на инспекторатот Сретен Стојковски.
„САНС АГ“ беше затворена, а предметот беше препратен во пазарниот инспекторат за да се утврди каде бил носен и горен опасниот течен материјал.
Досега е утврдено дека го купувал РКМ на Ратко Капушевски и Ерџан Сулкоски, а таа компанија во текот на грејната сезона беше главен снабдувач на ЕСМ со мазут за ТЕЦ Неготино.Потоа опасниот продукт од незаконски погон бил користен како енергенс во печки по Македонија.
.gif)
.gif)
