Сирискиот претседател Башар ал Асад денеска ги обвини западните земји дека ја политизираат хуманитарната криза во Сирија по земјотресот што се случи на 6 февруари.
-Западот нема хуманост, така што политизацијата во Сирија е нешто што природно би го направиле – рече сирискиот претседател, кој разговараше со новинарите во уништената населба Машарка во Алепо.За време на денешната посета, Асад ја посети и болницата во Алепо, а потоа се сретна со спасувачите кои вчера од урнатините извлекоа седум живи луѓе и телата на 44 мртви.
Тедрос Аданом Гебрејесус, директор на Светската здравствена организација и д-р Мајкл Рајан, шеф за итни случаи на СЗО, исто така пристигнаа денеска во Алепо за да помогнат во координацијата и поддршката на испораката на хуманитарна помош.Инаку, сириската Влада одобри испорака на хуманитарна помош до областите кои не се под нејзина контрола.Помошта наскоро ќе пристигне во регионите под контрола на бунтовниците, со помош на Обединетите нации, сириската Црвена полумесечина и Меѓународниот Црвен крст.
.gif)
.gif)
