ПРВИТЕ ,,ЛИДЛ” ПРОДАВНИЦИ ВО МАКЕДОНИЈА СЕ ОЧЕКУВААТ ВО 2026 ГОДИНА

Компанијата „Лидл“ ќе гради логистички центар во индустриската развојна зона во Горно Коњаре кај Куманово во С. Македонија.

Компанијата купи парцела од 17 хектари (170.996 м2) за која ќе плати 5,3 милиони евра. Информацијата со јавноста ја сподели општина Куманово која објави дека завчера на јавен тендер му продала земјиште на малопродажниот синџир „Лидл“ за изградба на логистички центар. На јавниот тендер по пат на електронска аукција учествуваа 3 фирми, пишува Пословни.

Како што е наведено, по завршување на административната постапка за избор на најповолен понудувач и исполнување на сите услови пропишани со јавниот повик, недвижноста ќе премине во сопственост на најповолниот понудувач, по што ќе биде спроведена реализација и ќе следат инвестициите.

„Лидл“ во С. Македонија веќе извесно време бара работници за логистички центар, а неодамна беше објавено дека започнува со изградба на првата продавница во Битола на една од двете купени парцели.

Како датум на отворање на првите продавници во Македонија неофицијално се споменува 2026 година.

Покрај во Македонија, Лидл во следните неколку години се очекува да ги отвори своите први продавници и во Босна и Херцеговина.