Меѓународен форум за продукциски дизајн се одржа викендов во Битола, со учество на филмски професионалци од земјава и странство. Централната тема на форумот беше „Продукцискиот дизајн и новите технологии“. Повеќе од десет гости беа присутни во живо и онлајн во излагањата и дискусиите што се одржаа во рамките на дводневниот форум.
Продукцискиот дизајн на едно аудиовизуелно дело е првото нешто преку кое публиката го перципира делото и отвора неверојатно многу можности за промоција и интеракција со неа. Првиот ден беше посветен на дискусии за општите и актуелните проблеми и состојби на оваа област во регионот. Вториот ден беше посветен на дискусии за конкретната тема. Целта е зајакнување на соработката помеѓу филмските професионалци во регионот и размената на искуства во филмската дејност.
Меѓу учесниците на форумот беа продуцентот Блаже Дулев, сценографот Викторија Динева, професорот по анимација, режисер и продуцент Крсте Господиновски, менаџерот на продукција и сцениграф Петар Трајчевски, претставници на МЗФП – здружението на филмски продуценти на Македонија и Асоцијација на филмски професионалци на македонија -АФП на Македонија, актерката и кастинг директор Љуба Пиперова од Бугарија, продуцентот Боштјан Иковиќ од Словенија, Марија Драндаки, продуцент од Грција, Фотеини Алевра, комуникациски експерт на Филмскиот фестивал во Атина и селектор од Грција.
Форумот по петти пат го организира продуцентската и дистрибутерска куќа „КТ филм и медиа“, а со поддршка на Регионалниот филмски фонд „Балкан синема ситис“. Форумот го поддржа Министерството за култура.
Целта е Битола и републиката да станат центар каде во иднина би се одржувал годишниот состанок на продукциски дизајнети, продуценти, режисери и автори во насока на унапредување на состојбата на овој важен сегмент од креативните индустрии во насока на економски (и културен) развој.
Извор : Екран.Мк