Министерството за внатрешни работи соопшти дека вчера во еден часот по полноќ во угостителски објект во Охрид биле пронајдени странски државјанки, а кај едно лице најдена е дрога марихуана.
„На 27.08.2023 во еден часот по полноќ, согласно претходно изготвен оперативен план за контрола на угостителски објекти, од страна на полициски службеници од Одделот за криминалистичка полиција и Одделот за сузбивање на организиран и сериозен криминал во содејство со Управата за јавни приходи, Државниот инспекторат за труд и Државниот пазарен инспекторат беше извршена акциска контрола во угостителски објект во Охрид“, соопшти МВР.
Според инфромациите од полицијата при контролата кај едно лице е пронајдена марихуана.
„Затекнати се и 17 странски државјанки од кои четири престојувале спротивно на законите во државата (две од Русија со пречекорен престој, една од Србија со пречекорен престој и една државјанка на Србија со активна забрана за влез во државата). Лицата се приведени и надлежен судија во Основен суд Охрид изрекол парични казни и мерка протерување“, сооппшти МВР.
Од МВР соопштија дека при контролата УЈП констатирала неиздавање на фискални сметки и утврден е вишок од 80.000 денари, пари кои не биле евидентирани, за што ќе следуваат соодветни санкции.
„Од Државниот инспекторат за труд затекнато е лице кое извршувало работни активности, а не било пријавено, за што ќе следува соодветна пријава. Од страна на Државниот пазарен инспекторат констатирано е кршење на забраната за пушење во угостителскиот објект, за што се изречени соодветни санкции“, соопшти МВР.
.gif)
.gif)
