Photo : Newsweek
Руските сили се подготвуваат да извршат операција со „лажно знаме“ во најголемата европска нуклеарна централа, соопшти украинската војска, откако беспилотно летало го погоди објектот и ги зголеми стравувањата за неговата судбина со оглед на нејзината локација на првата линија на борбите.
– Москва „се подготвува да изврши уште една провокација“ во нуклеарната централа Запорожје во јужниот украински град Енерходар, се вели во соопштението на Генералштабот на Украина.
Во него стои и дека оваа „провокација“ би била дел од операцијата „лажно знаме“ со цел да се обвини Украина, соопштија вооружените сили на Киев, повикувајќи се на разузнавачки податоци, пренесува „Newsweek“.
Нуклеарната централа, која е под руска контрола во јужниот украински регион, повеќе од две години војна ги помина на линијата на фронтот.
Гранатирањето и нападите со беспилотни летала околу објектот со шест реактори ги зголемија стравувањата за можна нуклеарна несреќа.
Претходно овој месец, Русија и Украина се обвинуваа една со друга за нападите со беспилотни летала на локацијата.
.gif)
.gif)
