ЗАТВОРЕНИК ПУКАЛ ВО ПОЛИЦАЕЦ, ПОБЕГНАЛ ДОДЕКА ГО НОСЕЛЕ ВО БОЛНИЦА, ЗАТВОРЕНИКОТ ГО СТАВИЛЕ НА ПРЕДНОТО СЕДИШТЕ ОД КОМБЕТО МЕСТО ВО ЗАДНИОТ ДЕЛ?!

Затвореник од КПУ „Идризово“ ноќеска пред полноќ додека го носеле во болница пукал во затворски полицаец, го ранил и побегнал со друго возило.

Како што соопшти Министерството за внатрешни работи, синоќа во 23:20 часот четворица вработени во Затворската полиција кои биле со комбе „Форд транзит“ побарале помош од полициски службеници од СВР Скопје.-Според нивната пријава, додека вршеле спровод  на осуденик Б.М од КПУ „Идризово“ кон Ургентниот центар „Мајка Тереза“, на автопатот осуденикот му го одзел пиштолот на возачот И.Х од затворската полиција, пукал и го ранил. Потоа осуденикот побегнал со патничко возило „ауди“.

Повредениот затворски полицаец е пренесен во Ургентен центар за укажување лекарска помош, се наведува во соопштението.Од полицијата информираат дека се преземаат мерки за расчистување на случајот, за кој се уште нема информација од Управата за извршување санкции.

Според изјавата на медиумите и информациите кои ги добиваме дознаваме дека затвореникот бил седнат на совозачкото седиште место да биде спроведен и ставен во задниот дел од комбето.