ДОМ го осудува потегот на Претседателот на Собранието, Трајко Вељаноски, за распишување избори на 5 јуни – без пречистен избирачки список, без регулирани медиуми, во зовриена состојба на улиците.
По групната аболиција на Иванов, со овој потег и Вељаноски долеа масло на огнот!
Бараме од него да покаже рационално и одговорно однесување, имајќи го пред себе барањето на огромното мнозинство граѓани на Македонија за стабилизирање на политичката состојба, а не заштита на интересите на мала група политичари кои ја злоупотребиле власта.
„Претседателе Вељаноски, со последната капка надеж Ве замолувам да нѐ изненадите и да свикате седница на Собранието, за да се отповикаат одлуките за распуштање и за избори и да започнеме постапка за импичмент на Претседателот! Само така може да се вратат работите во институциите, каде низ разумна дебата ќе се договориме што да правиме понатаму. Можеби има можност оваа полудена ситуација на аномија, на невладеење на правото, да ја свртиме во спротивна насока, во интерес на Македонија!“ вели Лилјана Поповска, пратеничка и претседателка на ДОМ.
.gif)
.gif)
