БЈБ на чело со Сашо Тасевски повторно во акција, пронајдено големо количество оружје во струшкиот регион

Во големата полициска акција само до овој момент се пронајдени 30 сандаци со муниција, во кои имало и неверојатни 100 ракетни гранати и 16 рачни ракетни лансери.

Нашата редакција дојде до ексклузивни сознанија за масивна полициска акција во околината на Струга, каде што е пронајдена огромни количества оружје и муниција. Откако добила оперативни сознанија од теренот, македонската полиција утринава пронајде сандаци со муниција во кои имало и РПГ гранати.

Во моментов, во тек е ископувањето каде што првично е пронајдено оружјето и муницијата. Само до овој момент се пронајдени 30 сандаци со муниција, во кои имало и неверојатни 100 ракетни гранати и 16 рачни ракетни лансери. Ископувањето на оружјето и муницијата е во тек, очекуваме нови и официјално соопштение од МВР.