Создавање на политичко-економски хибриден центар е сценарио кое уште пред два месеци го објави Али Ахмети, а подоцна и го дообјасни партискиот портпарол на ДУИ Бујар Османи.
– „Пред неколку месеци, некаде на периферијата на Скопје, се одржа средба меѓу некои македонски олигарси и политички лидери – сегашни и поранешни политички лидери, со аларм или констатација дека Албанците добиваат повеќе отколку што заслужуваат или го уриваат политичко-економскиот монопол на македонската заедница. И се согласија да создадат национален центар за да се запре овој процес, или како што тие го нарекуваат – албанизација на државата. И во нивната анализа – ова се кредибилни индикации – ДУИ го поврзуваат како парадигма или синоним на етничката еднаквост и позицијата на Албанците“, објасни Османи на ТВ 21.
Средбата пак која ја објаснува Османи е одржана во домот на екс-вицепремиерот за економски прашања Кочо Анѓушев, а на која прсутни биле сопственикот на ИГМ Кавадарци Илија Гечев, извршниот директор на „Алкалоид“ Живко Мукаетов, претседателот на Стопанската комора на Македонија Бранко Азески, извршниот директор на „Макпетрол“ Андреа Јосифовски и неколкумина други.
Неофицијално, темата за разговор на средбата била економско парализирање на земјата со цел соборување на актуелната власт и превземање на контрола врз државните сектори задолжени за економија и финансии – повторно штетата ќе ја трпиме ние, граѓаните!
Дека ова е така, потврди на вчерашната прес-конференција и Антонио Милошоски на која објасни дека на Извршниот Комитет на партијата се разгледувало ова сценарио.
– Во насока на ова барање ќе продолжиме и во Собранието, но и на други места, со сите демократски средства да се трудиме да предизвикаме предвремени парламентарни избори. Но пак ќе кажам, тоа не треба да е процес на надгласување, треба да е една заедничка согласност во која сите политички фактори и сите стопански фактори ќе дадат поддршка да одиме на предвремени избори, рече Милошоски.
И сега, да не остане недокажано – но дали станува јасно зошто ВМРО-ДПМНЕ и Христијан Мицкоски немаа никаква реакција ниту пак повикаа на одговорност за тетовскиот крематориум, иако колегите од ИРЛ јасно и недвосмислено докажаа дека истата лежи токму кај Кочо Анѓушев?
Да не навлегуваме во приватните релации помеѓу Мицкоски и Анѓушев кои се до толку длабоки што двајцата имаат приватен влез во факултетските канцеларии, или пак дека токму Анѓушев е факултетскиот ментор на Мицкоски. Ова е и небитно.
Недозволиво е политичкиот и партиски интерес, да биде поважен од човечкиот живот. Замилсете, Мицкоски е подготвен да молчи и да не бара одговорност за Тетовската модуларна болница од Кочо Анѓушев, бидејќи овој организира политичка кампања за ВМРО-ДПМНЕ.
Само во Македонија е можно наместо „Нирнбершки процес“, кривичната одговорност да ја искористиш како политичка можност. Доволно е само да најдеш партиска пудличка…
Прашањето за крај е, кој од овие бизнисмени обезбедил 2.2 милиони евра од Бугарската држава за Мицкоски?
А.Митовски
Извор : Инфомакс.МК
.gif)
.gif)
