Телевизијата на Љубисав Иванов-Ѕинго, според извори на Либертас, по стапките на Канал 5 ќе направи многу скоро промена на челната позиција, односно ќе добие нов главен уредник.
Извори во ТВ Сител тврдат дека долгогодишниот главен уредник, професор Д-р. Драган Павловиќ – Латас, заминал на годишен одмор, а менаџментот води преговори на неговото место да дојде лице од надвор.
Латас пред некој ден од СЈО беше осомничен за затајување на данок од околу 180 илјади евра за пари кои ги заработил како сопственик и управител на Друштвото за маркетинг ТОТАЛ МАРКЕТИНГ АГЕНЦИЈА ДООЕЛ Скопје, управител на Друштвото за маркетинг и пропаганда ТОТАЛ МАРКЕТИНГ ДООЕЛ Скопје, управител на Друштвото за маркетинг и истражување на пазарот МЕДИАМАКС ДООЕЛ Скопје и сопственик и управител на Друштвото за маркетинг ТОТАЛ МЕДИА ЦЕНТАР ДООЕЛ Скопје.