РЕНОВИРАН Е БЛОКОТ А НА КЛИНИКАТА ЗА ОРТОПЕДИЈА, ФИЛИПЧЕ: ГИ ПОДОБРИВМЕ УСЛОВИТЕ ЗА ЛЕКУВАЊЕ НА ПАЦИЕНТИ СО МАЛИГНИ ЗАБОЛУВАЊА НА КОСКЕНИОТ СИСТЕМ

0
134

“По цели 70 години реновиран е и пуштен во употреба Блокот А на Клиниката за ортопедија при ТОАРИЛУЦ. На оваа клиника се лекуваат пациенти со малигни заболувања на коскениот систем, пациенти кои имаат потешкотии по операциите и деца кои се лекуваат од истите болести.

Со реновирањето на овој оддел се подобруваат болничките услови на пациентите со комплетно нови опремени соби и апартмани, а се создадоа и поубави услови за работа на здравствениот кадар, кои со својата несебична заложба и истрајност низ годините покажаа дека се целосно посветени во грижата и третманот на пациентите.

Во наредниот период следува реновирање на уште една операциона сала и другото крило од Ортопедија. Новото реновирано одделение на клиниката го посетив со премиерот Зоран Заев и вицепремиерот Љупчо Николовски.”
-ФБ СТАТУС НА МИНИСТЕРОТ ЗА ЗДРАВСТВО, ВЕНКО ФИЛИПЧЕ