Дали имате телефон со Android и сакате брз пристап до најпопуларната вештачка интелигенција? Официјалната апликација ChatGPT пристигна на Google Play Store.
ChatGPT конечно ја доби својата официјална Android апликација. Сопствениците на уредите што го користат овој оперативен систем повеќе нема да мора да ја посетуваат официјалната веб-страница за да пристапат до најпопуларната вештачка интелигенција во светот, ниту пак да инсталираат сомнителни апликации кои тврдат дека нудат иста или слична функционалност.
Со користење на апликацијата, корисниците ги имаат истите опции како и користењето на страницата ChatGPT.
„Официјалната апликација е бесплатна, ја синхронизира вашата историја на сите уреди и ги носи најновите подобрувања на моделот OpenAI“, се вели во официјалната листа на Google Play.
Според креаторите, со ChatGPT вештачката интелигенција во нивниот џеб, корисниците имаат на располагање:
- Инстант одговори
- Прилагодени совети
- Креативна инспирација
- Професионален придонес
- Можност за учење
Како што обично се случува, корисниците на iOS ја добија официјалната апликација ChatGPT уште во мај, а таа беше преземена дури 500.000 пати од App Store за само една недела.
Доколку имате телефон со Android и сакате да ја носите најпопуларната вештачка интелигенција насекаде со себе, треба да го посетите ОВОЈ ЛИНК. За жал, нема да можете веднаш да ја користите официјалната апликација ChatGPT, туку само да ја резервирате инсталацијата. Доколку го направите ова, апликацијата автоматски ќе се инсталира веднаш штом ќе стане достапна, а компанијата OpenAI тврди дека тоа ќе се случи оваа недела.
.gif)
.gif)
