Владимир Талески, откако пред неколку дена беше осуден на казна затвор од осум години како обвинет во случајот „Транспортер“, се огласи на својот профил на Фејсбук.
-Јас овој „трас-трас“ суд не го признавам. Апсурдот е и во тоа што јас сум осуден на осум години затворска казна за начинот на организирање на превозот на ученици, а таквиот начин на организирање на превозот, од страна на сегашната власт на СДСМ е преземен од нас и е внесен во Закон за измени на законот за превоз во сообраќајот во членот 22 б и сега е законска обврска за сите општини. Дали тоа значи дека и Владата и сите општини денеска, вклучувајќи ја и општина Битола, прават криминал? Со незаконски изречените казни судот ја уништи вистината, а судскиот систем кој насилнички функционира и во време на вонредна состојба во државата е директна алатка на власта во функција што подолго истата да остане на власт и ригорозно да се пресмета со своите политички противници и лично да им наштети, напиша Талески.
Тој тврди дека организацијата на школскиот превоз во Битола била законска, и го обвини поранешно СЈО дека координирано работело со судот, со цел како што вели, негов политички линч.
-Финансиската штета со која оперира судот не постои. Таа е лажна. Бројките се земени од нецелосниот, нестручен и погрешен Вешт наод кој што е изработен по нарачка на СЈО. Вештиот наод, намерно или случајно е погрешен, контрадикторен и со погрешен метод на проценка . Критериумот со кој оперира општината е „цена по ученик“, а критериумот применет во Вештиот наод е „цена по авто ден “ со што се добиени погрешни заклучоци. Иако укажувавме на ова во текот на постапката, сепак тоа до крајот не се корегира и пресудата се базираше врз сите погрешни податоци во Вештиот наод“, вели Талеаски.
.gif)
.gif)
