Сојузната порота во петокот му наложи на Доналд Трамп да плати отштета од 83,3 милиони долари на Елизабет Џин Керол, која го обвини поранешниот претседател на САД за уништување на нејзината репутација како доверлив новинар со негирање дека ја силувал пред речиси три децении.Сега 80-годишната Керол, некогашна колумнистка на магазинот Elle, го тужеше 77-годишниот Трамп во ноември 2019 година, затоа што пет месеци претходно тој негираше дека ја силувал во средината на 1990-те во гардеробата на стоковната куќа „Bergdorf Goodman“ на њујоршки Менхетен.Доналд Трамп тврдеше дека никогаш не слушнал за Керол и дека таа ја измислила својата приказна за да ја зголеми продажбата на нејзините мемоари. Неговите адвокати рекоа дека Керол била гладна за слава и уживала во вниманието од обожавателите додека зборувала против својот непријател.Друга порота минатиот мај му нареди на Трамп да ѝ плати на Керол 5 милиони долари поради слично негирање од октомври 2022 година, утврдувајќи дека тој ја клеветил и сексуално ја нападнал новинарката. Трамп ја обжали одлуката.
Во сегашното судење, Керол бараше уште најмалку 10 милиони долари, велејќи дека Трамп ја уништил нејзината репутација на почитувана новинарка којашто ја кажува вистината. Таа, исто така, побара казнена отштета, делумно за да го спречи Трамп да ги повтори своите негирања.
Трамп го искористи случајот и неговите други правни проблеми за да ја зајакне својата кампања за повторно преземање на Белата куќа на изборите во ноември, во веројатна пресметка со демократот Џо Бајден, кој го порази во 2020 година што рапубликанецот и неговите поддржувачи сѐ уште го сметаат за изборна измама.Трамп се соочува со четири кривични обвиненија, вклучително и две обвиненија дека се обидел незаконски да го поништи неговиот пораз на изборите во 2020. Тој се изјасни дека не е виновен по сите точки од обвинението, велејќи дека е жртва на политички мотивирани лаги и на правосудниот систем кој е под контрола на неговите политички противници.
.gif)
.gif)
