ФОКУС : ПАНДЕЛЕСКИ, МИТРЕВСКИ И ТАСКОВСКИ СЕДНАА НА ОБВИНИТЕЛНА КЛУПА ЗА „ИМПЕРИЈА“ – КИРАЦА ОШТЕТЕНА, КАМЧЕВ ЌЕ СВЕДОЧИ

By
Народен Глас
-
0
464
Бизнисменот Цветан Панделски, еден од доминантните акционери на ЗИК „Пелагонија“, сопственик на компанија Зоранчо Митревски и берзанскиот брокер Јованче Тасковски денеска седнаа на обвинителна клупа за случајот „Империја“ во која првично беа осомничени 19 лица.

Иако дојдоа сите од обвинентите, денешното рочиште се одложи по барање на одбраната на Панделески со образложение дека дел од доказите не им биле доставени од Обвинителството.

Јавната обвинителка која го води овој случај, а кој го отвори уште поранешното Специјално јавно обвинителство, Лиле Стефанова кажа дека во текот на целата истрага им ги доставувала доказите на обвинетите и во писмена и во електронска форма, а имале можност и за увид.

Со оглед на тоа дека во текот на истражната постапка се менувале бранителите на Панделески, Стефанова рече дека можно е претходните бранители да не им ги доставиле, иако една од адвокатите на Панделски рече дека дел од доказите ги немало кај ниту еден бранител.

Судијката која го води случајот, Васка Николовска – Масевска порача дека е недозволливо кога ќе почне главната рсправа да се зборува уште за докази, но поради еднаквост на оружјата на странките и Европската конвенција за човекови права, таа го одложи судењето за на 20 март и закажа уште десетина други термини за да не се одолговлекува постапката.