Правите зулум врз државата со ставови кои се косат со стратегиските определби, но имате сојузник во Алијанса за Албанците со која партија заедно се смеете, но немате ставови за клучните прашања од програмата на мандатарот, реагира координаторот на ДУИ Арбер Адеми во репликата на говорот на пратеникот Димитар Апасиев.
Адеми оцени дека во преговорите со Грција и со Бугарија и македонскиот владејачки политички блок и албанскиот блок се на исти позиции во интерес на државата и нејзините интеграциски аспирации.
Координаторот на ДУИ нагласи дека Владата ќе продолжи со стратегиските чекори во интерес на државата со цел да се отворат нови перспективи за државата.
На тоа Апасиев возврати: „Почитуван Адеми, другпат кога директно ми се обраќате, ве молам говорете на македонски јазик бидејќи јас слушалките за превод не ги користам“.
.gif)
.gif)
