СО СДСМ ИМА ПОВЕЌЕ ЗА СИТЕ : ПРОСЕЧНА ПЛАТА ОД РЕЧИСИ 40.000 ДЕНАРИ

Со СДСМ има повеќе за сите. Просечната плата достигна речиси 40.000 денари.

Според официјалните податоци, просечната плата во декември 2023 година се зголеми на 39.998 денари или 650 евра.

Просечната плата во декември лани, е зголемена за 16,4 проценти, во однос на истиот месец 2022 година, кога беше 34.364 денари.

СДСМ при започнување на мандатот им вети на граѓаните покачување на просечната плата од 500 евра.

Ова ветување е исполнето уште во март минатата година, а со последното зголемување на просечната плата, е надминато значително.

Во времето на ДПМНЕ просечната плата беше едвај 360 евра, СДСМ успеа да ја зголеми на 650 евра што е зголемување од 290 евра за само неколку години.

Во фокусот на економските политики на СДСМ е заштитата и подобрувањето на животниот стандард на сите работници, на сите граѓани и така и ќе продолжиме.