САМО 18.000 МАКЕДОНЦИ ЗЕМААТ ПЛАТА НАД 40 000 ДЕНАРИ ВО ЗЕМЈАВА!

Од друга страна, според податоците со кои располага Државниот завод за статистика, за овие 5 години намален е бројот на вработени со високо образование кои сакаат да го променат работното место затоа што бараат работа соодветна на нивното образование.Според социологот Али Пајазити, кај нас доаѓа до израз трендот на мулти-таскинг личностите, кои се подготвени да менуваат едно работно место за друго, без да имаат цел вечно да останат на едно работно место.

„Гледано од социолошки аспект, ова покажува дека и кај нас доаѓа до израз трендот на мулти-таск личностите, кои се подготвени да менуваат едно работно место за друго, без да имаат за цел вечно да останат на тоа работно место, за летаргијата на „фати си место и не напуштај го“, за релативизирање на работното место со решение за вработување, за пофлексибилен, порационален, подинамичен, поекономичен, финансиски попристапен пристап и за концептот на трајно самозајакнување и самоадаптација. Оваа промена е предизвикана од слободниот пазар на труд каде се бара добро платен професионалец, во споредба со класичниот носител на диплома кој сега треба да ја потврди вредноста на документот со перформанси, способности за решавање на проблеми, комуникациски вештини и кои ќе го креираат имиџот на институцијата“, вели Пајазити.

Според него, друг фактор е психолошкиот, новата генерација не сака монотонија, сака предизвици, што е позитивно. Дипломата во иднина ќе биде само формалност, ќе биде потребна, но нема да биде гаранција за ништо.

Во меѓувреме, за вработените само со средно образование, главната причина за промена на работното место е продолжувањето на работното време, при што за разлика од пред 5 години, вработените со средно образование во 2022 година го промениле работното место бидејќи им било продолжено работното време, а во 2017 година причина за тоа биле повисоките плати.

Она што е интересно е дека најголемиот дел од работниците со средно образование и оние со основно образование, како и пред 5 години, сè уште земаат исти плати без разлика на степенот на образование. Повеќето од нив сега добиваат плата која се движи од 16.000 до 20.000 денари, додека пак пред 5 години земале од 12.000 до 16.000 денари.

Најголем дел од вработените со високо образование сега земаат повисоки плати од тие пред 5 години, поточно во 2017 година нивната плата достигнала и до 25 илјади денари, а сега повеќето земаат плата до 30 илјади денари.

Двојно е зголемен бројот на лица со високо образование кои земаат месечна плата во износ од 40 илјади денари, односно оваа бројка достигнала на 46.563 лица, додека пак во 2017 година оваа бројка изнесувала 20.082 лица. Во меѓувреме, бројот на лица со средно образование кои земаат плата до 30 илјади денари е 43.767, а во 2017 година оваа бројка изнесувала 10.121.

Инаку, во декември 2022 година Порталб.мк објави анализа  која покажа дека во земјава бројот на невработени се намалува, но се намалува и работната сила и бројот на активното население во земјава.Повеќе од половина од невработените немаат никакво образование или само основно образование, а голем е и бројот на оние со завршено средно образование кои се невработени. На списокот на невработените се најдоа 18 доктори на науки и 623 магистри.

Најголем дел од невработените се на возраст од 20 до 49 години, што ја претставува категоријата на граѓани кои се во најпродуктивниот и најработоспособниот период од својот живот, а во оваа група спаѓаат 70.934 невработени лица, што е 61,5% од вкупниот број на невработени, додека пак на второ место се невработените на возраст од 50 до 64 години или 21,5% од невработените.