Иако Македонија не е членка на Унијата, околу 30 отсто од храната произведена или увезена во земјава никогаш не се консумира, покажува Извештајот на ФАО за 2020 година.
Европските граѓани во просек фрлаат 131 килограми храна по жител, покажуваат најновите податоци за расипништвото на граѓаните. Најодговорни во ЕУ се Словенците кои фрлаат само 68 килограми храна по жител, а Хрватите се веднаш до нив со 71 килограм. Иако Македонија не е членка на Унијата, нејзините граѓани во просек фрлаат по 83 килограми разни прехранбени производи, а околу 30 отсто од храната произведена или увезена во земјава никогаш не се консумира, покажува Извештајот на ФАО за 2020 година.
-ПРОЦЕНКИТЕ СЕ ДЕКА ФРЛАМЕ МЕЃУ 10 И 12 ИЛЈАДИ ТОНИ ХРАНА СО КОИ МОЖЕ ДА СЕ ОБЕЗБЕДАТ ПО ТРИ ОБРОКА ДНЕВНО ЗА 26.000 ГРАЃАНИ, А ВКУПНИТЕ ВИШОЦИ НАДМИНУВААТ 100.000 ТОНИ. МАКЕДОНИЈА Е НА 8 МЕСТО ВО СВЕТОТ ПО КОЛИЧЕСТВОТО ФРЛЕНА ХРАНА СПОРЕД БРОЈОТ НА ЖИТЕЛИ – ПОКАЖУВА ИНДЕКСОТ НА ФРЛЕНА ХРАНА НА ОН.
На врвот на оваа озлогласена листа е Кипар, каде во ѓубре годишно завршуваат дури 379 килограми храна по жител. Интересно е што следат земји со развиена социјална и еколошка свест, како Белгија со 250 килограми по жител и Данска со 221 килограм. Грција, Португалија и Холандија се на самиот врв по фрлени количини храна.
-ОД РАЗЛИЧНИ ПРИЧИНИ, ХРАНАТА СЕ ФРЛА И СЕ ФРЛА НИЗ ЦЕЛИОТ СИНЏИР НА СНАБДУВАЊЕ, ОД ПРИМАРНО ПРОИЗВОДСТВО И ПРЕРАБОТКА, ДИСТРИБУЦИЈА, УГОСТИТЕЛСКИ ОБЈЕКТИ ДО ДОМАЌИНСТВА. ЗАТОА, ЗА ДА СЕ ПОДИГНЕ СВЕСТА ЗА ПРОБЛЕМОТ СО ПРЕКУМЕРНИОТ ОТПАД И ДА СЕ ПРОМОВИРА ОДГОВОРНОСТА НА СИТЕ ЧИНИТЕЛИ ВО СИНЏИРОТ НА СНАБДУВАЊЕ СО ХРАНА, НЕОПХОДНО Е ДА СЕ СПРОВЕДАТ НИЗА АКТИВНОСТИ СО ЦЕЛ ДА СЕ ПРОМЕНАТ НАВИКИТЕ И ОДНЕСУВАЊЕТО НА ЛУЃЕТО ПРИ РАКУВАЊЕ СО ХРАНАТА – ОБЈАВИ ПОСЛОВНИ ДНЕВНИК ХР.
Годишно во светот се фрлаат околу 1,3 милијарди тони храна или 160 килограми по глава на жител, што претставува вредност од речиси илјада милијарди долари. ЕУ фрла 57 милиони тони храна во вредност од 110 милијарди долари.
.gif)
.gif)
