Во Кина има стотици производители на електрични автомобили. Многумина нема да преживеат, но тие што ќе останат лесно можат да „убијат“ многу европски и американски компании кои денес произведуваат електрични автомобили.
Кога производителот на мобилни телефони Apple ќе се откаже од анмерата да произведува електрични автомобили, тоа станува светска вест.
Кога друг производител на мобилни телефони како Xiaomi произведува и продава 50.000 модели од првата генерација електрични автомобили произведени и испорачани во рок од 27 минути, веста е речиси незабележлива. Игнорирањето на западните медиуми на оваа вест секако не е случајна.
Во првиот случај, Apple, после големата бучава ништо не излезе од тоа, во вториот, Xiaomi, произведе и по 24 часа продаде 88.898 примероци од моделот SU7.
Xiaomi не ги распушти своите производствени капацитети за мобилни телефони преку ноќ и почна да произведува автомобили, туку потпиша договор со државната компанија Beijing Automotive Industry Holding Co. (BAIC). Министерството за индустрија и информатичка технологија (MITT) наведува дека Xiaomi SU7 се склопуваат под BAIC Off-road Vehicle Co., подружница на BAIC. Во рамките на оваа компанија е изграден дел за автомобили Xiaomi.
Интересно е што BAIC го поседува најголемиот поединечен удел во Mercedes-Benz, каде поседува 9,98% од акциите на овој германски автомобилски гигант.
100 производители на електрични возила во Кина
Xiaomi ужива доверба кај кинеските потрошувачи, што е од клучно значење. Повеќето кинески домаќинства поседуваат некои од производите на Xiaomi и интеграцијата со новото возило ќе биде лесна.
Исто така, кога станува збор за довербата, во моментов има околу 100 производители на електрични возила во Кина, но повеќето од нив нема да ги преживеат следните пет години. Ако некој производител банкротира, се знае дека продажбата на користено возило станува исклучително тешка. Кинеските потрошувачи веруваат дека компанијата Xiaomi ќе опстане многу долго.
Моделот SU7, скратено од Speed Ultra 7, влегува на силниот кинески пазар со конкурентна цена под 28.000 евра за основниот модел. Извршниот директор Jun вели дека ќе изгубат профит од тој основен модел само за да го направат поевтин од Model 3 на Tesla. SU7 е стилски инспириран од моделите на Poresche, но не може да се споредува со Tycan во перформансите.
Речиси моменталната популарност на SU7 е благодарение на цената и позицијата на брендот Xiaomi. Неговата главна конкуренција, заедно со Tesla, е електричниот седан Zeekr 007 на Geely, кој нуди слични карактеристики по уште пониска цена.
ОСНОВНИ СПЕЦИФИКАЦИИ НА МОДЕЛОТ
Xiaomi SU7 беше лансиран во три верзии во Кина, со ценовен опсег од 27.700 евра до 38.500 евра. Овој целосно електричен седан веќе е во 59 продавници во 29 градови низ Кина, а испораките ќе започнат на крајот на април.
Ќе биде достапен со опции на погон на две тркала, 19 и 20 инчи. Xiaomi претстави две верзии – со лидар и без. Лидарот е поставен зад предното ветробранско стакло. EV е базиран на платформата Modena на Xiaomi, а димензиите се 4997/1963/1455 mm (L/W/H), со меѓуоскино растојание од 3000 mm.
Автомобилот има прилично голем преден багажник од 105 литри и багажен простор од 517 литри. Внатре во автомобилот нуди фрижидер со капацитет од 4,7 литри, доволно за 6 лименки Кока-Кола. Дизајнерите размислувале многу за просторот, а SU7 има многу прегради и дополнителни приклучоци.
Xiaomi SU7 доаѓа во три варијанти на погон:
SU7 стандард
Батерија LFP Blade на BYD од 73,6 kWh
Досег од 700 km според CLTC стандардот
единечен мотор, RWD, 220 kW, вртежен момент од 400 Nm
забрзување од 0 до 100 km/h за 5,28 секунди и максимална брзина од 210 km/h
Xiaomi Pilot Pro ADAS
може да се полни за возење од 350 km за 15 минути
SU7 Pro
94,3 kWh CATL Shenxing батерија
Досег од 830 km според CLTC стандардот
единечен мотор, RWD, 220 kW, вртежен момент од 400 Nm
SU7 Max Performance
101 kWh CATL Qilin
Досег од 800 km според CLTC стандардот
забрзување од 0-100 km/h за 2,78 секунди, максимална брзина 265 km/h
Xiaomi Pilot Max ADAS
може да се полни за досег од 510 km за 15 минути
AWD, два мотори со комбинирана моќност од 495 kW (663 КС), 838 Nm вртежен момент.
Извор : Весник
.gif)
.gif)
