„Се согласувам и со американската амбасадорка и со британскиот амбасадор и со холандскиот и со амбасадорот на Европската Унија. Програмата на СДСМ содржи 41 мерка за реформа на правосудниот систем. Тие ќе бидат јавно објавени, а се правени заедно со Европската Унија, на мое барање од оценската мисија на Европската Унија. во поглед на борбата со корупцијата веќе покажавме дека можеме да се подобриме. Но, секогаш може да биде подобро“ – порача тој.Според него, подготвиле како влада закон за санкции, кој неговата Влада го поднела во Собранието.
„Техничката влада го повлече. И на крај претседателот на Комисијата за надворешни работи го сокри во фиока и никогаш не го стави на гласање. Процесот на донесување на овој закон го блокираат другите политички партии. Јас како политичар по добивањето на мандатот ќе работам ден и ноќ сите овие проблеми кои ги мачат граѓаните да ги отстраниме и во делот на владеење на правото и во корупцијата“ – вели претседателот на СДСМ.
Ковачевски на прашање дека голем дел од коруптивните скандали биле на страната на ДИУ и дали повторно би коалицирале со нив, Ковачевски рече:
„Најпознат остана процесот на антиквизација. Подоцна ДУИ беше во коалиција со СДСМ, заедно донесовме одлука Македонија да стане членка на НАТО и да започне преговори со ЕУ. Нешто што не беше направено во изминатите 31 година. Дали однесувањето на сите министри во Владата и на сите функционери беше соодветно. Не. Имаше дел од функционерите кои не се однесуваа соодветно на политичките прилики и на политичкиот амбиент кој го имаме тука. Можеби во Америка и во Канада тоа е прифатливо, но тука на граѓаните не им прифатливо“.