Запрашан од новинарката на Ал Џезира, Блажевска, за изјавата на поранешниот претседател на државата, поранешен премиер и екс лидер на СДСМ, Бранко Црвенковски, во која упати критика за договорот со Бугарија дека отворил пандорина кутија во односите со Бугарија, Ковачевски изјави:
– Ги ценам изјавите и интервјуата на Бранко Црвенковски, тој има големо искуство како поранешен премиер и претседател, би сакал почесто да го гледаме и слушаме во јавноста. Ние сме членови на иста партија, кога тој бил претседател јас сум бил обичен член и сум учел политика од него, сега јас сум претседател на СДСМ и премиер и за многу работи со него имаме исто мислење а за многу работи не се согласуваме. Договорот со Бугарија е основа за решавање на проблемите со Бугарија, историските комисии не се нешто ново, имаме таква со Грција но таму нема проблем затоа што историчарите не тераат политика туку тераат историска дебата. Ако историската комисија од бугарска страна не ја политизира својата работа туку си работи според она што е фактичка состојба за минатото нема да има големи проблеми, мораме со Бугарија да наоѓаме решенија кои не задираат во националните интереси на двете земји и двата народа.
.gif)
.gif)
