КОВАЧЕВСКИ : ЕВРОПСКИОТ ПАТ НЕ Е ЛЕСЕН, ЕУ НЕ БЕШЕ ФЕР, НО НЕМА ОТКАЖУВАЊЕ ОД ЕВРОПСКАТА ИДНИНА

Јас не знам која друга коалиција има повеќе право да каже дека е за Европа од нашата. Ние преку конкретни чекори покажавме дека за нас нема друга визија и друг пат освен европскиот. – рече претседателот на СДСМ, Димитар Ковачевски на денешната промоција на новата „Програма за европска иднина“ и кандидатите за пратеници на СДСМ и Коалицијата за европска иднина.

-Јас знам дека тој пат не е лесен и дека Европската Унија не секогаш беше фер кон нас. Лично го имам искусено и знам како се чувствувате, фрустрацијата и ја гледам и ја чувствувам. Точно е, не постои земја што повеќе направила на нејзиниот европски пат. Точно е, можеше да е поинаку. Но, сетоа тоа е во минатото. Ние мора да гледаме напред. – истакна Ковачевски

Мора и покрај се, да не се откажеме од тој пат. Затоа што Европската Унија е нашата единствена алтернатива. На Македонија и е потребна Европската Унија. Потребен ѝ е европскиот стандард, европските вредности и начин на живот, овде и сега. – посочи претседателот Ковачевски.

Затоа, мотивирани и посветени да ги искористиме деновите кампања пред нас и пред граѓаните да ги презентираме нашите планови, идеи, конкретни проекти преку позитивна кампања која ќе ја потенцира нашата европска визија. Да покажеме дека Коалицијата за европска иднина е најдобриот избор кој ќе обезбеди европска и просперитетна иднина за Македонија! – рече Ковачевски на денешната промоција на новата „Програма за европска иднина“ и кандидатите за пратеници на СДСМ и Коалицијата за европска иднина.