ЗА МИЦКОСКИ Е НЕПРИФАТЛИВО ДУИ ДА НОМИНИРА ТЕХНИЧКИ ПРЕМИЕР, ВЕЛАТ ЌЕ СЕ ОТКАЖЕМЕ ОД ТЕХНИЧКА ВЛАДА САМО ДУИ ДА НЕМА ТЕХНИЧКИ ПРЕМИЕР

Лидерот на ВМРО-ДПМНЕ Христијан Мицкоски на лидерската средба за изборите, која премиерот Димитар Ковачевски ја најави за декември, ќе бара укинување на „пржинската влада“ и ќе го проблематизира техничкиот премиер предложен од ДУИ. За Мицкоски е неприфатливо ДУИ да номинира технички премиер, но од партијата не откриваат доколку барањето го отфрлат СДСМ и ДУИ, дали ВМРО-ДПМНЕ ќе одбие учество во техничката влада.

Од СДСМ не конкретизираат дали укинувањето на техничката влада е прифатливо, само велат дека за сите прашања за изборите ќе се разговара на лидерската во Собранието. Од ДУИ не добивме одговор дали ќе се откажат од техничка влада, но од партијата, претходно, во неколку наврати повторија дека во последните 100 дена од мандатот на оваа владејачка гарнитура премиер ќе биде Албанец предложен од ДУИ. Албанскиот опозициски блок, пак, смета дека „пржинската влада“ треба да остане и за претстојните парламентарни избори.

ВМРО-ДПМНЕ: Ќе се откажеме од техничка влада само ДУИ да нема технички премиер– Ако ме прашувате мене како политичар и како човек што ја води најголемата политичка партија во Македонија – ВМРО-ДПМНЕ, не гледам потреба повеќе од техничка влада. Прво, за мене е понижувачки, како граѓанин и како политичар, партијата која што во последно време е во центарот на скандалите, а тоа е ДУИ, да номинира премиер. Не гледам каков квалитет тој премиер може да донесе и каква додадена вредност. Второ, ценам дека земја што пледира да биде дел од ЕУ, мора да покаже малку одговорност и зрелост. Ние треба да покажеме дека сме зрели – рече Мицкоски во интервју на Канал 5 ТВ.

Пратеникот Миле Левков од ВМРО-ДПМНЕ изјави дека се спремни да се откажат од техничка влада, само ДУИ – „дувлото на криминалот“ – да нема технички премиер. Тој посочи дека дополнително мора да се нотира и дека техничките влади се крајно неефикасни и нефункционални и дека тоа се потврдило и во 2016 и во 2020 година.

– ВРЕМЕ Е МАКЕДОНИЈА ДА ИМА ФУНКЦИОНАЛНИ ВЛАДИ. ГРАЃАНИТЕ И ДРЖАВАТА НЕ ТРЕБА ДА ЈА ПЛАЌААТ ЦЕНАТА НА ПОЛИТИЧКИТЕ ПАЗАРЕЊА – ПОРАЧА ТОЈ

Ковачевски лично е против, но ќе почитува коалициски договорПратеничката од СДСМ, Лидија Тасевска, рече дека на лидерската средба ќе се разговара за сите прашања поврзани со изборите.

– ФОРМИРАНИ СЕ РАБОТНИ ГРУПИ ШТО ИНТЕНЗИВНО ВО ОВОЈ ПЕРИОД ЌЕ РАЗГОВАРААТ ЗА СИТЕ ПРОЦЕСИ ШТО СЕ ПОТРЕБНИ ЗА НОРМАЛНО ОДВИВАЊЕ НА ИЗБОРНИОТ ПРОЦЕС. ПРЕМИЕРОТ КОВАЧЕВСКИ ВЕЌЕ НАЈАВИ ДЕКА ВО СОБРАНИЕТО ЌЕ ИМА СРЕДБА СО СИТЕ ПРЕТСТАВНИЦИ НА ПАРТИИТЕ. МИСЛАМ ДЕКА СИТЕ ОВИЕ ДЕТАЛИ ЌЕ СЕ ДОГОВОРАТ ВО СЛЕДНИОТ ПЕРИОД – РЕЧЕ ТАСЕВСКА.

Ковачевски во последната изјава пред неколку дена рече дека техничката влада во последните 100 дена од мандатот е обврска во согласност со Законот за влада, кој е важечки во државата, и дека и тој закон се носи со консензус помеѓу политичките партии во Собранието.
Премиерот и кон почетокот на годинава рече дека техничкиот премиер ќе биде назначен во последните 100 дена од мандатот на Владата. Тој тогаш беше дециден дека ќе се почитува коалицискиот договор, постигнат помеѓу поранешниот премиерот Зоран Заев и лидерот на ДУИ Али Ахмети во 2020 година, но додаде и дека, лично, е против концептот на „пржинската влада“.

– ЗА РАЗЛИКА ОД ВМРО-ДПМНЕ, СДСМ ГИ ПОЧИТУВА КОАЛИЦИСКИТЕ ДОГОВОРИ – РЕЧЕ ТОГАШ КОВАЧЕВСКИ.

Toj додаде дека етничка припадност не е професија, туку професијата ја стекнуваме со знаење, искуство, вештина.

– СМЕ ИМАЛЕ ПРЕМИЕР ВЛАВ, МАКЕДОНЦИ, КОИ УСПЕШНО ЈА ВОДЕЛЕ ВЛАДАТА. СЕКОЈ ШТО Е ПРОФЕСИОНАЛЕЦ МОЖЕ ДА ВОДИ ВЛАДА, ОСОБЕНО ВО ТЕХНИЧКИ МАНДАТ КОГА ТРЕБА ДА СЕ СПРОВЕДАТ ИЗБОРИТЕ – СМЕТА ПРЕМИЕРОТ.

Ковачевски тогаш истакна дека концептот на „пржинска влада“ е договорен во услови кога Македонија била оценета како заробена држава и кога институциите биле партизирани.

– СМЕТАМ ДЕКА ЧЛЕНКА НА НАТО ШТО ПРЕГОВАРА СО ЕУ И КОЈА ПРЕТСЕДАВА СО ОБСЕ, ДРЖАВА НА КОЈА Ѝ Е УКАЖАНА НАЈГОЛЕМА ЧЕСТ ЗА ЗАЧУВУВАЊЕ НА РЕГИОНАЛНАТА СТАБИЛНОСТ, СО ТОА ШТО ПРЕГОВОРИТЕ ЗА КОСОВО И СРБИЈА ЌЕ СЕ ОДРЖАТ КАЈ НАС, НЕ ТРЕБА ДА ИМА ВАКОВ ТИП ПРЕД ИЗБОРИТЕ. ТОА Е ПРАШАЊЕ ЗА КОЕ ТРЕБА ДА СЕ СОГЛАСАТ СИТЕ ПОЛИТИЧКИ ПАРТИИ И ТОА ТРЕБА ДА Е ДЕЛ ОД ИЗБОРНИОТ ЗАКОН И ОД ЗАКОНОТ ЗА ВЛАДА – ИЗЈАВИ ТОГАШ КОВАЧЕВСКИ.

Високи функционери на ДУИ во изминатиов период повторуваа дека во последните 100 дена од мандатот, премиер ќе биде Албанец, предложен од ДУИ.

– КАНДИДАТОТ ЗА ПРЕМИЕР АЛБАНЕЦ ЌЕ ГО ПРЕДЛОЖИ ЛИДЕРОТ НА ДУИ АЛИ АХМЕТИ И СИГУРНО НЕМА ДА ЗГРЕШИ ВО ИЗБОРОТ. ВО КОАЛИЦИСКИОТ ДОГОВОР СО ЗАЕВ СТОИ ДЕКА ВО ПОСЛЕДНИТЕ 100 ДЕНА ОД МАНДАТОТ, ТОЈ ЌЕ БИДЕ ЗАМЕНЕТ СО АЛБАНЕЦ. НА ПРВАТА СРЕДБА КОВАЧЕВСКИ ВЕТИ ДЕКА ДОГОВОРОТ ВАЖИ. СЕ РАКУВАВМЕ И ТОЈ ВЕТИ ДЕКА ЌЕ ЈА НАПУШТИ ФУНКЦИЈАТА ВО ПОСЛЕДНИТЕ 100 ДЕНА ЗА ДА ЈА ПРЕЗЕМЕ АЛБАНЕЦ ИЛИ АЛБАНКА – ИЗЈАВИ НЕОДАМНА ВИЦЕПРЕМИЕРОТ АРТАН ГРУБИ ЗА КОСОВСКАТА ТЕЛЕВИЗИЈА „ДУКАЃИНИ“.

И потпретседателот на ДУИ и министер за надворешни работи Бујар Османи неодамна изјави дека за неколку месеци ќе имаме премиер Албанец.Од здружената албанска опозиција велат дека допрва ќе градат став дали е потребно да се укине техничката влада. Првична оцена, од опозицијата, е дека „пржинската влада“ треба да остане и за претстојните избори, бидејќи во институциите сè уште се нема доверба. На лидерската средба можно е да побараат и албанската опозиција да биде застапена во техничката влада.