ДВАЈЦА ПРИЛЕПЧАНИ НОСЕЛЕ 3 КИЛОГРАМИ МАРИХУАНА И АВТОМАТ СО РЕНТ-А-КАР

0
60

Фотографија : Илустрација, архива на ,,Народен Глас”.

Двајца жители на Прилеп се уапсени на патот Струга-Дебар синоќа откако полицијата им нашла три килограми марихуана и автоматска пушка без куршуми.

Уапсените се движеле ао автомобил изнајмен од скопска рент а кар компанија.

На 05.05.2024 околу 21.30 часот на регионалниот пат Дебар – Струга, полициски службеници од Полициската станица за гранични проверки и граничен надзор Џепиште во координација со Одделението за прекуграничен криминал при Регионалниот центар за гранични работи Запад – Дебар ги лишиле од слобода Б.С.(34) и Д.Н.(36), двајцата од Прилеп.

При преглед во возило „пежо“ со скопски регистарски ознаки на рент а кар компанија, кое го управувал Б.С., а сопатник бил Д.Н., биле пронајдени и одземени една торба со над три килограми марихуана и автоматска пушка со празна рамка. Лицата биле задржани во полициска станица и по целосно документирање на случајот против нив ќе биде поднесена соодветна пријава.